ბათუმის მოვლენებზე ბრალდებულების ირაკლი ჩხვირკიას და მერაბ ღოღობერიძის საქმესთან დაკავშირებით სასამართლო სარეზოლუციო ნაწილს 10 იანვარს, 10:30 საათზე გამოაცხადებს.
როგორც მოსამართლე დავით მამისეიშვილმა განაცხადა, საქმესთან დაკავშირებით მას პოზიცია უკვე ჩამოყალიბებული აქვს.
დღევანდელ პროცესზე ბრალდებულმა ირაკლი ჩხვირკიამ დასკვნითი სიტყვა თქვა. ასევე დასკვნითი სიტყვა წარმოთქვა მერაბ ღოღობერიძის ადვოკატმა პაატა შავაძემ. როგორც ირაკლი ჩხვირკიამ განმარტა, იგი წარდგენილ ბრალს არ აღიარებს.
დღევანდელ პროცესს ბრალდებული მერაბ ღოღობერიძე არ ესწრებოდა.
გამოძიება მათ მიმართ სისხლის სამართლის კოდექსის 225-ე მუხლით მიმდინარეობს. მუხლი ძალადობრივი აქციის ორგანიზებას გულისხმობს.
8 თვის განმავლობაში ბათუმის საქალაქო სასამართლომ მერაბ ღოღობერიძის და ირაკლი ჩხვიკიას საქმესთან დაკავშირებული მტკიცებულებები გამოიკვლია და მოწმეები დაკითხა.