ნიუ-იორკში, Trump Tower-ის შენობაში ხანძრის შედეგად ორი ადამიანი დაშავდა. ამის შესახებ ქალაქის სახანძრო სამსახურზე დაყრდნობით ტელეარხი CNBC იუწყება.
ამ დროისთვის ცათამბჯენის სახურავზე, ვენტილაციის სისტემაში გაჩენილი ხანძარი ლოკალიზებულია. ხანძრის ჩაქრობაში 100-ზე მეტი მეხანძრე მონაწილეობს.
აღსანიშნავია, რომ ხანძრის გაჩენის დროს აშშ-ის პრეზიდენტი დონალდ ტრამპი შენობაში არ იმყოფებოდა. მისი შვილის ერიკ ტრამპის განცხადებით, მეხანძრეები ადგილზე შეტყობინებიდან რამდენიმე წუთში მივიდნენ.