სინოპტიკოსების პროგნოზით, საქართველოს ზოგიერთ რაიონში დღეს წვიმა და ძლიერი ქარია მოსალოდნელი

საქართველოს ზოგიერთ რაიონში დღეს წვიმა, მთაში კი თოვლია მოსალოდნელი. როგორც „ინტერპრესნიუსს“ გარემოს ეროვნული სააგენტოს ჰიდრომეტეოროლოგიური პროგნოზების სამსახურის უფროსმა სვეტლანა ნიორაძემ განუცხადა, დღეს დასავლეთ საქართველოში ყველგან და აღმოსავლეთ საქართველოში ზოგან იწვიმებს.

„დასავლეთ საქართველოში 9 იანვარს იწვიმებს, მთაში მოთოვს, იქროლებს დასავლეთის ქარი 10-15 მეტრი წამში, ზოგან 17-22 მეტრი წამში, ჰაერის ტემპერატურა 7-12 გრადუსი იქნება. 7-12 გრადუსია მოსალოდნელი აღმოსავლეთ საქართველოშიც. ზოგან იწვიმებს, მთაში მოთოვს”, - განაცხადა სვეტლანა ნიორაძემ.

მისივე თქმით, დღეს დედაქალაქში შესაძლებელია მცირე წვიმა, იქოლებს ჩრდილო-დასავლეთის ქარი 17-22 მეტრი წამში, ჰაერის ტემპერატურა 10 გრადუსი იქნება.