ხორავას ქუჩაზე მოზარდების მკვლელობის საქმეზე წინასასამართლო სხდომა 10 იანვარს, 15.00 საათზე გაგრძელდება.
როგორც ადვოკატმა ტარიელ კაკაბაძემ ჟურნალისტებთან საუბრისას განაცხადა, დღევანდელ სხდომაზე მხარეებმა საკუთარი მტკიცებულებები წარმოადგინეს, რასთან დაკავშირებითაც პოზიციას სასამართლო ხვალ გამოაცხადებს.
„დაცვისა და ბრალდების მხარეებმა საკუთარი მტკიცებულებები წარმოვადგინეთ და ვიშუამდგომლეთ მტკიცებულებათა დაშვებაზე. ამასთან დაკავშირებით სასამართლო საკუთარ პოზიციას ხვალ 15.00 საათზე გამოაცხადებს. ჩვენი შუამდგომლობები დღევანდელ პროცესზე შეეხებოდა ჩვენი მტკიცებულებების დაშვების საკითხს, ხოლო ბრალდების მხარის მტკიცებულებების დაუშვებლობის საკითხს“, - განაცხადა ადვოკატმა ტარიელ კაკაბაძემ.