რუსთავი-თბილისის ავტომაგისტრალზე მიკროავტობუსი ჯებირს შეეჯახა

რუსთავი-თბილისის ავტომაგისტრალზე ტრანსპორტის მოძრაობა შეფერხებულია. ამის მიზეზი ავტომაგისტრალის რუსთავის მონაკვეთზე მომხდარი ავტოსაგზაო შემთხვევაა.

წინასწარი ინფორმაციით, „ფორდის“ მარკის მიკროავტობუსი, რომელსაც მგზავრები თბილისიდან რუსთავის მიმართულებით გადაჰყავდა, მწყობრიდან გამოვიდა, გზის სავალი ნაწილიდან გადავიდა და შუაგამყოფი ზოლის ჯებირს შეეჯახა. შეჯახების შედეგად მსუბუქად დაშავდა ერთი მგზავრი, რომელსაც სამედიცინო დახმარება სასწრაფო დახმარების ბრიგადამ აღმოუჩინა.

ადგილზე მობილიზებულია საპატრულო პოლიცია და სასწრაფო დახმარების ბრიგადა. ამ დროისთვის მიკროავტობუსის ევაუკუატორით გადაყვანის პროცესი მიმდინარეობს, რაც თბილისიდან რუსთავის მიმართულებით ტრანსპორტის მოძრაობას აფერხებს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 26.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა