“ევროპული საქართველო” ჯანდაცვის სამინისტროს მოუწოდებს, დეტალური და დამაჯერებელი განმარტებები გააკეთოს 2016 წელს ცოფის ვაქცინის გამოყენებასთან დაკავშირებით

“ევროპული საქართველო” ჯანდაცვის სამინისტროს მოუწოდებს, გააკეთოს დეტალური და დამაჯერებელი განმარტებები 2016 წელს ცოფის ვაქცინის გამოყენებასთან დაკავშირებით.

როგორც პარტიის წევრმა, ზურაბ ჭიაბერაშვილმა განაცხადა, ჯანდაცვის სამინისტროს მიერ 2016-2017 წლებში შეძენილი და გამოყენებული ცოფის საწინააღმდეგო ვაქცინის თაობაზე ჯანდაცვის სამინისტროსა და სახელმწიფო აუდიტის სამსახურს შორის წარმოქმნილმა დავამ საზოგადოებაში შეშფოთება გამოიწვია.

”აუდიტის სამსახურს აქვს კანონით მინიჭებული უფლება, შეამოწმოს სახელმწიფო პროგრამების, მათ შორის, იმუნიზაციის ფარგლებში განხორციელებული შესყიდვების კანონიერება, თუმცა მას აღნიშნულ საკითხზე უფრო დაზუსტებული ინფორმაციის საჯაროდ გავრცელება მართებდა. ასევე, მიზანშეწონილი იყო, ჯანდაცვის სამინისტროს საზოგადოება გაეფრთხილებინა და გაცილებით დამაჯერებელი დეტალური განმარტებები გაეკეთებინა. სამწუხაროდ, ორ სახელმწიფო უწყებას შორის კამათმა გუშინ საზოგადოებაში დაბნეულობა კიდევ უფრო გააღრმავა. საბიუჯეტო თანხების გამოყენების მართლზომიერება აუდიტის სამსახურის შემდგომი კვლევის საგანია. ასევე აუცილებელია, ჯანდაცვის სამინისტრომ ჩაატაროს შიდა მოკვლევა იმასთან დაკავშირებით, ხომ არ მიაყენა ზიანი თუნდაც ერთი ადამიანის ჯანმრთელობას აღნიშნული ვაქცინის გამოყენებამ, და სრულფასოვანი ანგარიში წარუდგინოს საზოგადოებას. მაგრამ დღეს უკვე აშკარაა საზოგადოებრივი ჯანდაცვისთვის მიყენებული ზიანი, რაც ორ სახელმწიფო უწყებას შორის არასათანადო კოორდინაციამ და სრულფასოვანი კონსულტაციების არარსებობამ მოიტანა. საზოგადოების ნაწილში ისედაც არსებობს უნდობლობა ზოგადად ვაქცინების ხარისხის და ზოგჯერ აცრების მიზანშეწონილობასთან დაკავშირებითაც კი. გუშინდელმა აჟიოტაჟმა იმუნიზაციის მიმართ საზოგადოებრივი ნდობა კიდევ უფრო შეარყია, რაც გრძელვადიან პერსპექტივაში საზოგადოებრივი ჯანდაცვის სერიოზულ გამოწვევას წარმოადგენს.

მოვუწოდებთ ჯანდაცვის სამინისტროს, გააკეთოს უფრო დეტალური და დამაჯერებელი განმარტებები 2016 წელს ცოფის ვაქცინის გამოყენებასთან დაკავშირებით, ასევე ჩაატაროს იმუნიზაციის პროგრამის მიმართ საზოგადოების ნდობის ამაღლების ფართომასშტაბიანი კამპანია”, - განაცხადა ზურაბ ჭიაბერაშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს