რამაზ საყვარელიძე - არ მგონია, მიხეილ სააკაშვილის ციხეში ყოფნა რომელიმე დიდი ქვეყნის ინტერესის საგანი იყოს

არ მგონია, რომ მიხეილ სააკაშვილის ციხეში ყოფნა, ან საგამოძიებო მაგიდასთან დასმა რომელიმე დიდი ქვეყნის ინტერესის საგანი იყოს, - ამის შესახებ პოლიტოლოგმა რამაზ საყვარელიძემ რადიო ”პალიტრის” ეთერში, გადაცემაში "შუადღის სტუდია" სტუმრობისას, ყოფილ პრეზიდენტ მიხეილ სააკაშვილზე საუბრისას განაცხადა.

”მე საერთოდ არ მგონია, რომ სააკაშვილის ციხეში ყოფნა, ან საგამოძიებო მაგიდასთან მისი დასმა რომელიმე დიდი ქვეყნის ინტერესის საგანი იყოს. უფრო ზუსტად, ეს დიდი ქვეყნები მაქსიმალურად ეცდებიან, რომ ჩვენებების მიცემის რეჟიმში სააკაშვილი არ იყოს, იმიტომ, რომ რომელი ქვეყნის პოლიტიკოსზე რა ჩვენებას მისცემს, კაცმა არ იცის”, - განაცხადა რამაზ საყვარელიძემ.