უკრაინის საგარეო საქმეთა მინისტრი - მოლაპარაკებების გამართვის ადგილს განსაკუთრებული მნიშვნელობა არ აქვს

უკრაინის აღმოსავლეთში მიმდინარე კონფლიქტის გარშემო მოლაპარაკებების გამართვის ადგილის შეცვლის საკითხს უკრაინის საგარეო საქმეთა მინისტრი პაველ კლიმკინი გამოეხმაურა.

„შეხვედრების ადგილს განსაკუთრებული მნიშვნელობა არ აქვს. რატომ ავირჩიეთ მინსკი? ბელარუსი შედარებით ნეიტრალურია, ეს მოსახერხებელია ლოგისტიკური თვალსაზრისითაც... ნახეთ რუკაზე, სად მდებარეობს ასტანა? მინსკი იქნება თუ რომელიმე სხვა ქალაქი, ეს ნაკლებად მნიშვნელოვანია. უფრო მნიშვნელოვანია ის, რომ სამწუხაროდ, ჩვენ ამ მოლაპარაკებებზე წინ ვერ მივიწევთ, ვინაიდან რუსეთს არ სურს რაიმე სახის ვალდებულებების შესრულება. ამას მარტივი მიზეზი აქვს: მათ სურთ შეინარჩუნონ დონბასის რეგიონში არსებული ვითარება, რომ ის დარჩეს რუსეთის კოლონიად“, - განაცხადა კლიმკინმა ტელეარხ „ინტერის“ ეთერში.

ყაზახეთის პრეზიდენტის ნურსულთან ნაზარბაევის განცხადებით, აშშ-ს პრეზიდენტს დონალდ ტრამპს მოლაპარაკებების მინსკიდან სხვა ქალაქში გადატანა სურს.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 23.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
„პროკრედიტ ბანკი“ მომხმარებლებს ელექტრო მანქანის შესაძენად დაფინანსების ახალ შესაძლებლობას სთავაზობს
საქართველოში პირველად, უძრავი ქონების სკოლა Reschool გაიხსნება
კრისტალის საჭადრაკო ბლიც-თამაში "ყველა ქალი ჩემპიონია"
სასტუმრო „რადისონ ბლუ ივერიამ“ 10 წლის იუბილე აღნიშნა