ბენიამინ ნეთანიაჰუ - დონალდ ტრამპმა დიდი სამსახური გაუწია მშვიდობის დამყარებას

ისრაელის პრემიერ-მინისტრმა ბენიამინ ნეთანიაჰუმ აშშ-ს პრეზიდენტი დონალდ ტრამპი იერუსალიმის ისრაელის დედაქალაქად აღიარების გამო შეაქო.

„მან დიდი სამსახური გაუწია მშვიდობის დამყარებას, რადგან მშვიდობა მხოლოდ ჭეშმარიტებას შეიძლება ემყარებოდეს. უბრალო ფაქტის უარყოფა, რომ ისრაელის დედაქალაქი იერუსალიმია, მშვიდობის დამყარებას აფერხებს, რადგან ილუზიას, ფანტაზიას ქმნის. მშვიდობას ფანტაზიაზე დაყრდნობით ვერ დაამყარებ“, - განაცხადა ნეთანიაჰუმ CNN-ისთვის მიცემულ ინტერვიუში.

„მთავრობა იმყოფება იერუსალიმში. ასე იყო ისრაელის არსებობის 70 წლის განმავლობაში. იერუსალიმი ებრაელი ხალხის დედაქალაქი იყო მეფე დავითის მმართველობიდან მოყოლებული. თქვენ იცით, რომ ნებისმიერი სამშვიდობო შეთანხმების ფარგლებში იერუსალიმი ისრაელის დედაქალაქად დარჩება, ჩვენი მთავრობის ადგილსამყოფელი კი ყოველთვის იერუსალიმი იქნება“, - განაცხადა ნეთანიაჰუმ.

აშშ-ს პრეზიდენტმა დონალდ ტრამპმა იერუსალიმის ისრაელის დედაქალაქად გასული წლის დეკემბერში აღიარა. საერთაშორისო საზოგადოება ქვეყნის დედაქალაქად თელ-ავივს აღიარებს და ამჟამად აშშ-ს საელჩო აქ მდებარეობს.

პალესტინელები აღმოსავლეთ იერუსალიმს თავიანთი მომავალი დამოუკიდებელი სახელმწიფოს დედაქალაქად მიიჩნევენ.

გასულ კვირას ტრამპმა განაცხადა, რომ კიდევ უფრო შეამცირებდა პალესტინელებისადმი ფინანსური დახმარების რაოდენობას, თუ სამშვიდობო პროცესს არ დაუბრუნდებოდნენ.

„ფული მაგიდაზე დევს, მაგრამ ეს ფული მათ არ გადაეცემათ, ვიდრე სამშვიდობო მოლაპარაკებებს არ გამართავენ“, - აღნიშნა ტრამპმა ნეთანიაჰუსთან საუბრისას დავოსის ეკონომიკურ ფორუმზე.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს