რუსეთმა და ირანმა, როგორც ასტანის პროცესის გარანტორებმა, სირიის მთავრობაზე და პირადად ბაშარ ასადზე გავლენა უნდა მოახდინონ, რათა იდლიბში, აღმოსავლეთ ღუთაში სამოქალაქო ობიექტების დაბომბვა შეწყდეს, - ამის შესახებ ნათქვამია საფრანგეთის საგარეო საქმეთა სამინისტროს განცხადებაში.
„საფრანგეთი გმობს 29 იანვარს საავადმყოფოს დაბომბვას. ასევე ვგმობთ ბაზრის დაბომბვას ქალაქ სარაქიბში და 30 იანვარს ბაზრის დაბომბვას ქალაქ არიჰაში. ამ დაბომბვებმა ბევრი მშვიდობიანი მოქალაქის სიცოცხლე შეიწირა და გაანადგურა საავადმყოფო. მიუღებელია შეტევები, რომლებიც ყოველდღე ხორციელდება აღმოსავლეთ ღუთაში, ასევე იდლიბის ტერიტორიაზე“, - ნათქვამია განცხადებაში.
განცხადებაში ასევე აღნიშნულია, რომ აუცილებელია რუსეთმა და ირანმა, როგორც ასტანის პროცესის გარანტორებმა და დამასკოს რეჟიმის მოკავშირეებმა, მიიღონ ზომები, რათა დაბომბვები შეწყდეს და ჰუმანიტარული დახმარება საიმედოდ, სრული მოცულობითა და დაუბრკოლებლად მივიდეს იქამდე, ვისაც ეს სჭირდება.