გიგა ბოკერია - ხონისა და ვანის გავლით ევროპული საქართველოსკენ

ხონისა და ვანის გავლით ევროპული საქართველოსკენ, - ამ განცხადებით პარტია „ევროპული საქართველოს“ პოლიტსაბჭოს ხელმძღვანელმა გიგა ბოკერიამ მხარდამჭერებს და პარტიის წევრებს მეხუთე რიგგარეშე ყრილობაზე მიმართა.

„ჩვენ ყველანი ერთად, მთელი ქართული საზოგადოება ივანიშვილის „ქართულ ოცნებას“ არ მივცემთ საშუალებას, რომ ქვეყანა პოლიტიკურ ჭაობში დატოვოს. ჩვენ მათ არ მივცემთ საშუალებას, ქვეყანას კიდევ ერთხელ დააკარგინოს ისტორიული შანსი გახდეს სრულფასოვნად თავისუფალი, ევროპული და კეთილდღეობისაკენ სწრაფვის მქონე ქვეყანა. საქართველო იქნება ევროპული, თავისუფალი და ღირსეული მოქალაქეების მიერ შექმნილი ქვეყანა! ხონისა და ვანის გავლით ევროპული საქართველოსკენ!“, - მიმართა ბოკერიამ ყრილობის მონაწილეებს.

როგორც პარტიის ყრილობაზე გახდა ცნობილი, ხონისა და ვანის მაჟორიტარული ოლქის შუალედურ არჩევნებში კენჭს გიგი უგულავა იყრის.