დიღმის მასივში, დოდო გუგეშაშვილის სახლში მომხდარი თავდასხმის საგამოძიებო სამუშაოებში კინოლოგები ჩაერთვნენ.

დიღმის მასივში დოდო გუგეშაშვილის დაჭრის და მისი შვილის მკვლელობის შემთხვევის ადგილზე შს სამინისტროს საგამოძიებო სამსახური აქტიურად მუშაობს. მიმდინარეობს ტერიტორიის დათვალიერება და ადგილზე მუშაობენ კინოლოგები.

დოდო გუგეშაშვილს და მის შვილს თავს ცოტა ხნის წინ, საკუთარ საცხოვრებელ სახლში დაესხნენ. ცეცხლსასროლი იარაღიდან მიყენებული ჭრილობების შედეგად მისი შვილი გარდაიცვალა. დოდო გუგეშაშვილს ღუდუშაურის კლინიკაში გადაუდებელი ოპერაცია უტარდება.