აჭარის ტურიზმისა და კურორტების დეპარტამენტმა ათობით ათასი დოლარი არარსებულ სარეკლამო საქმიანობაში გადაიხადა, - ამის შესახებ "ერთიანი ნაციონალური მოძრაობის" წევრმა ლაშა ადამიამ განაცხადა. მისი ინფორმაციით, უწყებამ კონკრეტულ კომპანიაზე თანხა გადაიხადა, თუმცა რეკლამა არ განთავსებულა.
"გასულ წელს პირდაპირი შესყიდვით დაუკვეთეს "თურქიშ ეარლაინის" საბორტო ჟურნალში აჭარის ტურისტული პოტენციალის წარმოჩენა, ჩვენ გადავამოწმეთ მათ მიერ მოწოდებული ინფორმაცია და გაირკვა, რომ საბორტო ჟურნალში მიუხედავად იმისა, რომ სახეზე გვაქვს მიღება-ჩაბარების აქტი და გადახდილია 30 000 აშშ დოლარი, ბათუმისა და აჭარის შესახებ არანაირი ინფორმაცია არ მოიძებნება",- განაცხდა ლაშა ადამიამ.