ბელგიის დედაქალაქში დღეს ჩატარებული სპეცოპერაციის მიზეზი ცრუ განგაში გახდა. „როიტერის“ ინფორმაციით, მოქალაქემ პოლიციაში დარეკა, რომელმაც მათ ბრიუსელის ერთ-ერთ ქუჩაზე მკვლელობის შესახებ ინფორმაცია მიაწოდა.
ბელგიის პოლიციამ ბრიუსელის სამხრეთ ნაწილში სპეცოპერაციის გამო გზები გადაკეტა, რადგან მკვლელობის შესახებ ინფორმაცია გავრცელდა.
თავდაპირველად ბელგიურმა მედიამ გაავრცელა ინფორმაცია მამაკაცზე, რომელიც შესაძლოა, ამ რაიონში ერთ-ერთ ბინაში იმალება. თუმცა, პოლიციის პრესსამსახურმა ეს ინფორმაცია უარყო. „სამართალდამცველები ჩხრეკენ შენობას, მაგრამ შეგვიძლია გითხრათ, რომ არავითარი ტერაქტი არ მომხდარა“, - განაცხადეს პოლიციის პრესსამსახურში.