ახალგორის გამგებლის ინფორმაციით, ცხინვალის ციხიდან გათავისუფლებულ ქუტაშვილს და პავლიაშვილს საბუთები ჩამოართვეს და ოკუპირებული ტერიტორიიდან არ უშვებენ

ლევან ქუტაშვილი და იოსებ პავლიაშვილი ცხინვალის ე.წ. ციხიდან გაათავისუფლების შემდეგ ახალგორში მშობლების სახლში მივიდნენ, - ამის შესახებ „ინტერპრესნიუსს“ ახალგორის მუნიციპალიტეტის გამგებელმა ნუგზარ თინიკაშვილმა განუცხადა. მისივე ინფორმაციით, ქუტაშვილსა და პავლიაშვილს ჩამორთმეული აქვთ პირადი საბუთები და ისინი ცენტრალური ხელისუფლების მიერ კონტროლირებად ტერიტორიაზე ჯერჯერობით ვერ გადმოდიან.

„ისინი იმყოფებიან თავიანთი მშობლების სახლში ახალგორში. მათ ჩამორთმეული აქვთ საბუთები. უთხრეს, რომ საბუთებს თუ მოგცემთ, შეიძლება წახვიდეთ და თავი აარიდოთ გამოძიებას. ჯერჯერობით აქეთ ვერ გადმოვლენ, მაგრამ მე მაქვს მოლოდინი, რომ როგორც კი ტატუნაშვილის ცხედრის გადმოცემა და მისი დაკრძალვა მოხდება, მათ გამოუშვებენ“, - განაცხადა ნუგზარ თინიკაშვილმა.

შეგახსენებთ, რომ დღეს განცხადება გაავრცელა სახელმწიფო უსაფრთხოების სამსახურმა, სადაც რუსეთის საოკუპაციო ძალებს და დე ფაქტო ხელისუფლებას მოუწოდა, ქუტაშვილს და პავლიაშვილს ცენტრალური ხელისუფლების კონტროლირებად ტერიტორიაზე გადმოსვლაში ხელოვნური ბარიერი არ შეუქმნას.

22 თებერვალს, საოკუპაციო რეჟიმმა საქართველოს 3 მოქალაქე - არჩილ ტატუნაშვილი, ლევან ქუტაშვილი და იოსებ პავლიაშვილი ახალგორში დააკავა. 23 თებერვალს კი გავრცელდა ინფორმაცია, რომ არჩილ ტატუნაშვილი გაურკვეველ ვითარებაში გარდაიცვალა.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში