კიევში, პარლამენტის შენობასთან მომიტინგეებსა და სამართალდამცველებს შორის შეტაკებების დროს დაკავებულთა რიცხვმა 100-ს გადააჭარბა. ამის შესახებ უკრაინის ეროვნული პოლიცია იუწყება.

უკრაინის შსს-ს ინფორმაციით, დღეს დილით პოლიცია „კარვების ქალაქში“ საგამოძიებო ქმედებებისა და ჩხრეკის ჩასატარებლად მივიდა, თუმცა მომიტინგეებმა მათ წინააღმდეგობა გაუწიეს. მოგვიანებით პოლიციელებმა მაინც შეძლეს კარვებში ჩხრეკის ჩატარება და РГД-5-ის ტიპის 9 ხელყუმბარა, 5 საკვამლე ყუმბარა და „მოლოტოვის კოქტეილები“ ამოიღეს.

„არსებული ინფორმაციით, ექიმებს ექვსმა მომიტინგემ მიმართა. დაშავებულია პოლიციის 4 თანამშრომელი“, - განაცხადა კიევის პოლიციის უფროსმა ანდრეი კრიშჩენკომ.