რუსეთის პრეზიდენტის ვლადიმერ პუტინის განცხადებით, ნერვულ-პარალიტიკური ნივთიერება „ნოვიჩოკის“ დამზადება დაახლოებით 20 ქვეყანაში იყო შესაძლებელი. ამის შესახებ პუტინმა ანკარაში გამართული პრესკონფერენციის დროს განაცხადა.

„იმედი მაქვს, რომ „ქიმიური იარაღის აკრძალვის საერთაშორისო ორგანიზაციის“ აღმასკომის სხდომაზე სკრიპალების საქმეზე საბოლოო წერტილი იქნება დასმული. მე ინციდენტის შესახებ მედიიდან შევიტყვე, ხოლო „ნოვიჩოკის“ დამზადება დაახლოებით 20 ქვეყანაში შეიძლებოდა“, - განაცხადა პუტინმა.

შეგახსენებთ, რომ გუშინ პორტონ-დაუნში მდებარე ბრიტანული ლაბორატორიის დირექტორმა განაცხადა, რომ ლაბორატორიის თანამშრომლებმა ვერ დაადგინეს ქვეყანა, სადაც ნერვულ-პარალიტიკური ნივთიერება „ნოვიჩოკი“ იყო დამზადებული.

რუსეთის ГРУ-ს ყოფილი პოლკოვნიკი სერგეი სკრიპალი და მისი ქალიშვილი იულია დიდი ბრიტანეთის ქალაქ სოლსბერიში 4 მარტს მოწამლეს.