აშშ-ს სახელმწიფო დეპარტამენტმა რუსეთს გაძევებული დიპლომატების ახალი დიპლომატებით ჩანაცვლება შესთავაზა. ამის შესახებ საინფორმაციო პორტალი Yahoo News იუწყება.
აშშ-ს სახელმწიფო დეპარტამენტში აღნიშნეს, რომ მოსკოვს შეუძლია არ შეამციროს დიპლომატიური მისიის საერთო დასაშვები რაოდენობა.
„რუსეთის მთავრობას შეუძლია აკრედიტაციები მოითხოვოს თავის დიპლომატიურ მისიაში ვაკანტური პოზიციების შესავსებად. თითოეული აკრედიტაცია ცალკე იქნება განხილული“, - განაცხადეს აშშ-ს სახელმწიფო დეპარტამენტში.
უწყებაში ასევე აღნიშნეს, რომ იმ მოცემულობიდან გამომდინარეობენ, რომ რუსეთი ასევე მიიღებს ახალ ამერიკელ დიპლომატებს.
„რუსეთს არ მოუწოდებია ინფორმაცია ჩვენი დიპლომატიური მისიის თანამშრომლების საერთო დასაშვები რაოდენობის შემცირების შესახებ“, - აღნიშნეს სახელმწიფო დეპარტამენტში.
როგორც ცნობილია, სერგეი სკრიპალის საქმეზე დიდ ბრიტანეთთან სოლიდარობის ნიშნით აშშ-მა 60 რუსი დიპლომატი გააძევა და სიეტლში მდებარე რუსეთის საკონსულო დახურა. რუსეთმა აღნიშნულის საპასუხოდ, რუსეთიდან 60 ამერიკელი დიპლომატის გაძევებასთან ერთად სანკტ-პეტერბურგში მდებარე აშშ-ს საელჩო დახურა.