დონალდ ტრამპი - საუდის არაბეთს ვუთხარი, რომ თუ სირიაში ჩვენი დარჩენა გსურთ, ალბათ, ამისთვის გადახდა მოგიწევთ

აშშ-ს პრეზიდენტმა დონალდ ტრამპმა კვლავ დაადასტურა სირიიდან ამერიკული ჯარების გამოყვანის სურვილი. „სირიაში ჩვენი მთავარი მისია ტერორისტული ორგანიზაცია „ისლამური სახელმწიფოს“ ლიკვიდაციაა. ჩვენ თითქმის განვახორციელეთ ეს ამოცანა. ჩვენ სწრაფად მივიღებთ გადაწყვეტილებას ჩვენს სამომავლო მოქმედებებთან დაკავშირებით“, - განაცხადა აშშ-ს პრეზიდენტმა ბალტიისპირეთის ქვეყნების ლიდერებთან გამართულ ერთობლივ პრესკონფერენციაზე.

დონალდ ტრამპის თქმით, ის აღნიშნულ საკითხთან დაკავშირებით კონსულტაციებს გაივლის აშშ-ს მოკავშირეებთან ერთად.

აშშ-ს პრეზიდენტმა ასევე განაცხადა, რომ საუდის არაბეთს შესთავაზა სირიაში აშშ-ს ჯარების დარჩენის დაფინანსება.

„საუდის არაბეთი ძალიან დაინტერესებულია ჩვენი გადაწყვეტილებით. მე მათ ვუთხარი, თუ გინდათ, რომ სირიაში დავრჩეთ, ალბათ, ამისთვის გადახდა მოგიწევთ“, - განაცხადა დონალდ ტრამპმა.

აშშ-ს პრეზიდენტმა ასევე ისაუბრა „ისლამური სახელმწიფოს“ წინააღმდეგ წარმატებულ ბრძოლაზე. მისი თქმით, საერთაშორისო კოალიციამ, რომელსაც აშშ მეთაურობს, ერაყში და სირიაში „ისლამური სახელმწიფოს“ კონტროლის ქვეშ მყოფი ტერიტორიების თითქმის 100% გაწმინდა.

აღსანიშნავია, რომ 29 მარტს აშშ-ს პრეზიდენტმა დონალდ ტრამპმა უკვე განაცხადა, რომ „აშშ მალე დატოვებს სირიას“.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს