საოკუპაციო ხაზთან მცხოვრებმა სტუდენტებმა ნატო-ს დაარსების დღე ვაზიანის სამხედრო ბაზაზე აღნიშნეს

4 აპრილი ნატო-ს დაარსების დღეა. როგორც „ინტერპრესნიუსს“ თავდაცვის სამინისტროდან აცნობეს, ამ დღესთან დაკავშირებით ვაზიანში IV მექანიზებულ ბრიგადაში გორის ევრორეგიონული სასწავლო უნივერსიტეტის სტუდენტებთან შეხვედრა გაიმართა.

მათ ნატო-საქართველოს არსებითი პაკეტის (SNGP) ძირითადი ჯგუფის ლიდერმა, საზღვაო კაპიტანმა შტეფან ანიქოფერმა და ნატო-სა და ევროკავშირის შესახებ საინფორმაციო ცენტრის დირექტორმა ნინო ბოლქვაძემ უმასპინძლეს და საქართველო-ნატოს ურთიერთობის შესახებ ესაუბრნენ.

თავდაცვის უწყების ცნობით, საოკუპაციო ხაზის მიმდებარე ტერიტორიაზე მცხოვრებმა ახალგაზრდებმა საქართველოს საგარეო პრიორიტეტებზე, ნატო-საქართველოს არსებითი პაკეტით გათვალიწინებულ ინიციატივებსა და ქვეყნის ევროატლანტიკურ სტრუქტურებში ინტეგრაციის პესპექტივებზე ინფორმაცია მიიღეს. სამხედრო ბაზაზე ვიზიტის დროს სტუდენტებს მათთვის მოწყობილი ტექნიკისა და შეიარაღების გამოფენის დათვალიერებისა და სიმულაციური სწავლების ცენტრის მონახულების საშუალებაც ჰქონდათ.

წელს ჩრდილოატლანტიკური ხელშეკრულების ორგანიზაციის დაარსებიდან 69-ე წლისთავი აღინიშნება. სტუდენტები ვაზიანში საქართველოს თავდაცვის სამინისტროსა და ნატო-სა და ევროკავშირის შესახებ საინფორმაციო ცენტრის ერთობლივი პროექტის „ერთი დღე ჯარში“ ფარგლებში იმყოფებოდნენ.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ