სამაუწყებლო კომპანია „რუსთავი2“-ის შენობასთან რამდენიმე პოლიტიკური პარტიის და არასამთარვობო ორგანიზაციის წარმომადგენლები არიან შეკრებილი და მათ ოფისთან დაკავებული „ქართული მარშის“ წევრების გათავისუფლებას ითხოვენ.
აქციის მონაწილეებმა ერთობლივი განცხადება წაიკითხეს, სადაც აღნიშნულია, რომ დაკავებული პირები არიან უდანაშაულოები და პოლიტიკური პატიმრები. მათი შეფასებით, არ დაურღვევიათ კანონი ისე, რომ მათ წინააღმდეგ სისხლის სამართლებრივი დევნა დაწყებულიყო.
აქციის მონაწილეების განცხადებით, იმ შემთხვევაში, თუ მათი მოთხოვნები არ დაკმაყოფილდება, აქციები პერმანენტულ ხასიათს მიიღებს და სხვადასხვა დაწესებულების პიკეტირებას განახორციელებენ.
ადგილზე მობილიზებულნი არიან სამართალდამცველები, რომლებიც სამაუწყებლო კომპანიის მიმდებარე ტერიტორიაზე უსაფრთხოებას იცავენ.