ოზურგეთის მერი ადგილობრივ ისტორიულ მუზეუმში არსებულ მდგომარეობას გაეცნო

ოზურგეთის მერი კონსტანტინე შარაშენიძე დღეს ოზურგეთის ისტორიულ მუზეუმში არსებულ მდგომარეობას გაეცნო. როგორც ოზურგეთის მერიაში აცხადებენ, განადგურებული ინტერიერი, ჩამოშლილი ჭერი, აყრილი იატაკი, ცარიელი ვიტრინები, მტვრიანი, უნიკალური სამუზეუმო ექსპონატები და უმოქმედო საგამოფენო დარბაზები - ეს არის ქალაქის მთავარი ღირსშესანიშნაობის დღევანდელობა.

მუზეუმი ამ მდგომარეობაში 2016 წლის დეკემბრიდანაა. როგორც მუზეუმის თანამშრომლები ამბობენ, ფოლკლორის ცენტრის მშენებლობის დროს, რომელიც შენობის მარცხენა ფლიგელში განთავსდა, ვიტრაჟების მონტაჟისას მუზეუმის ინტერიერი მთლიანად დაზიანდა.

მძიმე მდგომარეობაა მუზეუმის ფონდსაცავში, სადაც ათასობით არქეოლოგიურ და ეთნოგრაფიულ ექსპონატს, უძველეს მხატვრულ ტილოებს ნესტი ანადგურებს.

„მუნიციპალიტეტის მერიამ მიიღო წერილი ისტორიული მუზეუმის ხელმძღვანელობისგან აქ არსებული კატასტროფული მდგომარეობის შესახებ. ადგილზე იმყოფებოდნენ ჩემი მოადგილეებიც. ჩვენი დიდი სურვილია, რაც შეიძლება დროულად მოხდეს მუზეუმის მთლიანი რეაბილიტაცია. შესაბამისი სამსახურების მიერ მიმდინარეობს თანხების მოძიება და საპროექტო-სახარჯთაღრიცხვო დოკუმენტაციაზე მუშაობა. წერილით მივმართავთ საქართველოს კულტურისა და ძეგლთა დაცვის სამინისტროს, რომლის მხარდაჭერის დიდი იმედი გვაქვს და გვჯერა, რომ გადავარჩენთ ჩვენი ქალაქის მთავარ ღირსებას-ოზურგეთის ისტორიულ მუზეუმს“, - აღნიშნა ოზურგეთის მუნიციპალიტეტის მერმა კონსტანტინე შარაშენიძემ.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ