თეთრი სახლის ადმინისტრაციამ სირიაში აშშ-ის სამხედრო ძალების შენარჩუნების გადაწყვეტილება მიიღო. ამის შესახებ ჟურნალისტებს აშშ-ს ეროვნული დაზვერვის დირექტორმა დენიელ ქოუთსმა განუცხადა.
მისივე თქმით, ეს გადაწყვეტილება თეთრი სახლის ეროვნული უშიშროების საბჭოს სხდომაზე მიიღეს. ქოუთსმა არ დააკონკრეტა, თუ რას გულისხმობს მიღებული გადაწყვეტილება. „შესაბამის განცხადებას თეთრი სახლი ძალიან მალე გამოაქვეყნებს“, - განაცხადა დენიელ ქოუთსმა.
აღსანიშნავია, რომ 29 მარტს აშშ-ს პრეზიდენტმა დონალდ ტრამპმა უკვე განაცხადა, რომ „აშშ მალე დატოვებს სირიას“.