დაცული ტერიტორიების მეგობართა ასოციაცებისთვის 262 800 ევრო გამოიყო

გარემოს დაცვისა და სოფლის მეურნეობის სამინისტროში, პროექტის “დაცული ტერიტორიების მხარდაჭერის პროგრამა კავკასიაში - საქართველო“ ფარგლებში, ხელშეკრულება გაფორმდა.

როგორც “ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს, ხელშეკრულების მიხედვით, 4 დაცული ტერიტორიის მეგობართა ასოციაცია 262 800 ევროს ოდენობით გრანტს მიიღებს.

როგორც სამინისტროში განმარტავენ, ალგეთის, ყაზბეგის, ფშავ-ხევსურეთის და კინტრიშის დაცული ტერიტორიების მეგობართა ასოციაციების მიზანია ტერიტორიების მიმდებარედ მცხოვრები ადგილობრივი მოსახლეობისთვის გარემოსდაცვითი ცნობიერების ამაღლება.

მათივე ინფორმაციით, პროექტის ფარგლებში, გამოცხადდება მცირე გრანტების კონკურსი, რომელიც მოსახლეობას დაეხმარება მცირე ბიზნესის განვითარებაში.

“დაცული ტერიტორიების სააგენტო აქტიურად თანამშრომლობს საერთაშორისო ორგანიზაციებთან, რათა მათი დახმარებით, საშუალება გვქონდეს გავაუმჯობესოთ დაცული ტერიტორიების მიმდებარედ მცხოვრები მოსახლეობის სოციალურ-ეკონომიკური მდგომარეობა. დღევანდელი ხელშეკრულებაც სწორედ ამ მიზანს ემსახურება“, - განაცხადა დაცული ტერიტორიების სააგენტოს თავმჯდომარემ.

ხელშეკრულებას ხელი დაცული ტერიტორიების სააგენტოს თავმჯდომარე დავით მარკოზაშვილმა, საკონსულტაციო ჯგუფ (GFA)-ს დირექტორმა რამაზ გოხელაშვილმა და მეგობართა ასოციაციების დირექტორებმა მოაწერეს.

პროექტი გერმანიის მთავრობის და გერმანიის რეკონსტრუქციისა და განვითარების ბანკის (KFW) ფინანსური მხარდაჭერით მიმდინარეობს. პროექტის ეფექტურად განხორციელებას საკონსულტაციო ჯგუფი (GFA) უზრუნველყოფს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს