ნინია კაკაბაძე - საზოგადოებრივ მაუწყებელში უკვე ერთი წელია ახალი მენეჯმენტია, რომელიც რეიტინგისა და ხალხის ნდობის ზრდას გვპირდებოდა, მაგრამ ჯერჯერობით არანაირად არ ასახულა ხარისხზე

საინფორმაციო გადაცემები არის ისევ მიკერძოებული და პოლიტიკური გავლენის ქვეშ, - ამის შესახებ საზოგადეოებრივი მაუწყებლის სამეურვეო საბჭოს ახალმა წევრმა, ნინია კაკაბაძემ საია-ს კვლევის "რა ღირს საზოგადოებრივი მაუწყებელი?" პრეზენტაციაზე განაცხადა.

მისი თქმით, უმთავრესი პრობლემები, რაც საზოგადოებრივ მაუწყებლში არსებობს, ბიუჯეტის გაუმჭვირვალობას, ასევე რეიტინგისა და ხალხის ნდობის ნაკლებობას უკავშირდება.

"მთავარი პრობლემა, პირველ რიგში, არის ბიუჯეტის გაუმჭვირვალობა, რაზეც აუცილებლად მოუწევს პასუხის გაცემა დღევანდელ დირექტორს და მენეჯმენტს. მეორე - ამ კვლევამ აჩვენა რამდენად დიდია ტელევიზიის დაფინანსება და რომ ეს არანაირად არ აისახება რეიტინგზე. უკვე ერთი წელია არის ახალი მენეჯმენტი, რომელიც რეიტინგისა და ხალხის ნდობის ზრდას გვპირდებოდა, მაგრამ ჯერჯერობით არანაირად არ ასახულა ხარისხზე. პრობლემა აქ არის ის, რომ მთავარი მაყურებელი ჰყავს საინფორმაციო გადაცემებს. საინფორმაციო გადაცემები კი არის ისევ მიკერძოებული და პოლიტიკური გავლენის ქვეშ. ძალიან დიდი სხვაობებია შიდა დაფინანსებებს შორის. მაგალითად, პოლიტიკურ გადაცემებს საკმაოდ დიდი ბიუჯეტი აქვთ, განსაკუთრებით, იმ ხალხს, რომლებიც GDS-დან არის გადმოსული,” - განაცხადა ნინია კაკაბაძემ.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში