ესტონეთის კინოს მუზეუმში ანა ურუშაძის ახალი ქართულ-ესტონური ფილმის „საშიში დედის“ პრემიერა გაიმართა

„ესტონეთის კინოს მუზეუმში“ ქართველი რეჟისორის ანა ურუშაძის ახალი ქართულ-ესტონური ფილმის „საშიში დედის“ პრემიერა გაიმართა.

როგორც „ინტერპრესნიუსს“ საქართველოს საგარეო საქმეთა სამინისტროდან აცნობეს, ანა ურუშაძის ახალი ქართულ-ესტონური ფილმის „საშიში დედის“ პრემიერა ესტონეთის რესპუბლიკაში საქართველოს საელჩოს ორგანიზებით, კომპანია Allfilm-თან თანამშრომლობითა და საქართველოს საგარეო საქმეთა სამინისტროს მხარდაჭერით გაიმართა.

ღონისძიებას ესტონეთის ხელისუფლების, სახელმწიფო უწყებებისა და არასამთავრობო ორგანიზაციების, კულტურის წრეებისა და მედიის წარმომადგენლები, ისევე როგორც ესტონეთში აკრედიტებული ელჩები და ესტონეთში წარმოდგენილი ქართული დიასპორის წევრები ესწრებოდნენ.

ღონისძიება მისასალმებელი სიტყვით ესტონეთის რესპუბლიკაში საქართველოს ელჩმა, თეა ახვლედიანმა და ესტონეთის პარლამენტის პრეზიდენტმა, ეიკი ნესტორმა გახსნეს.

ფილმის ჩვენების შემდგომ გაიმართა დისკუსია რეჟისორთან, ცნობილი ესტონელი კინოკრიტიკოსის ტრისტან პრიიმაგის მოდერატორობით. კინოჩვენების პარალელურად, მუზეუმის საგამოფენო სივრცეში, საელჩოს მიერ წარმოდგენილი იყო ძველი ქართული ფილმების აფიშების გამოფენა.

„პროექტი განხორციელდა საქართველოს პირველი დემოკრატიული რესპუბლიკის დაარსებიდან 100 წლისთავის აღნიშვნის ეგიდით და წარმოადგენს წლის განმავლობაში ამ ისტორიული თარიღის წარმოჩენისათვის საელჩოს მიერ შემუშავებული პროგრამის ნაწილს“, - აცხადებენ სამინისტროში.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 23.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
„პროკრედიტ ბანკი“ მომხმარებლებს ელექტრო მანქანის შესაძენად დაფინანსების ახალ შესაძლებლობას სთავაზობს
საქართველოში პირველად, უძრავი ქონების სკოლა Reschool გაიხსნება
კრისტალის საჭადრაკო ბლიც-თამაში "ყველა ქალი ჩემპიონია"
სასტუმრო „რადისონ ბლუ ივერიამ“ 10 წლის იუბილე აღნიშნა