ლონდონში ქართული ფილმების რიგით მეხუთე ფესტივალი - „კინოში ასახული ცხოვრება“ გაიხსნა

დიდ ბრიტანეთში საქართველოს საგანგებო და სრულუფლებიანმა ელჩმა თამარ ბერუჩაშვილმა მონაწილეობა მიიღო ლონდონის ქართული ფილმების რიგით მეხუთე ფესტივალის - „კინოში ასახული ცხოვრება“ (Life Through Cinema) გახსნაში, რომელიც ლონდონში არსებულ პრესტიჟულ კინოთეატრ - Regent Street Cinema-ში იმართება, - ამის შესახებ ინფორმაციას საგარეო საქმეთა სამინისტრო ავრცელებს.

საგარეო საქმეთა სამინისტროს ინფორმაციით, კინოფესტივალის ფარგლებში, ბრიტანელ მაყურებელს მიეცემა საშუალება, გაეცნოს თანამედროვე ქართული კინოს მხატვრულ, დოკუმენტურ და მოკლემეტრაჟიან ფილმებს, ქართული კინო კლასიკისა და ძველი შედევრების აღდგენილ ნიმუშებს. ფესტივალის ფარგლებში შედგება, რამდენიმე მსოფლიო და ბრიტანული პრემიერა.

„ფილმების ჩვენების გარდა, დაგეგმილია თემატური დისკუსიები კინოფესტივალის ფარგლებში ლონდონში მყოფი ცნობილი ქართველი კინორეჟისორებისა და მსახიობების მონაწილეობით. გარდა ამისა, ცალკეული ღონისძიებები მიეძღვნება ქართულ ღვინოსა და სამზარეულოს, ქართული ხალხური სიმღერების თანხლებით“, - ნათქვამია ინფორმაციაში.

დიდ ბრიტანეთში საქართველოს საელჩოს მხარდაჭერითა და დაფინანსებით, ფესტივალის გახსნის ფარგლებში, ასევე გაიმართა გამოფენა - „ქართული კინოაფიშები ეროვნული არქივიდან“.

ფესტივალი გაგრძელდება 8 მაისამდე და ის საქართველოს დამოუკიდებლობისა და პირველი ქართული დემოკრატიული რესპუბლიკის 100 წლისადმი მიძღვნილი ღონისძიებების ფარგლებში ტარდება.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს