გიგა ბოკერია უმრავლესობაზე - პოლიტიკური კაპრიზი გამოავლინეს, ეს პოლიტიკური ფარისევლობაა

პოლიტიკური კაპრიზი გამოავლინეს. ეს პოლიტიკური ფარისევლობაა, - ამის შესახებ „ევროპული საქართველოს“ წევრმა გიგა ბოკერიამ საპარლამენტო უმცირესობის მიერ სხდომათა დარბაზის დატოვებისას განაცხადა. მისი თქმით, სხდომათა დარბაზი იმ დამოკიდებულების გამო დატოვეს, რაც მმართველ გუნდს აქვს.

„ბოლოს და ბოლოს, მთავრობა აღარ ესწრება ამ დისკუსიას, დისკუსიას, რომელიც ქვეყანაში არსებულ ვითარებას ეძღვნება. ამ დროს კი „ქართულმა ოცნებამ“ არ დაუშვა რეგლამენტის იმგვარი ინტერპრეტაცია, რომელიც პრეზიდენტს საშუალებას მისცემდა მიეღო დებატებში მონაწილეობა. ახლა პოლიტიკური კაპრიზით მიიღეს გადაწყვეტილება, გვესმის ცინიკური განცხადებები ღირსებასთან დაკავშირებით. ეს ღირსება კი მაშინ არ ახსენდებათ, როცა მინისტრები არ მოდიან პარლამენტში. ეს არის ფარისევლობა. თავისთავად პრეზიდენტის ფიგურის შეფასება ლეგიტიმურია, მასთან მეც ბევრი პრეტენზია მაქვს, მაგრამ ეს მოხსენება ეხებოდა ქვეყანაში არსებულ ვითარებას და არა იმას, რატომ უღალატა მარგველაშვილმა ივანიშვილს. პარლამენტში გასარკვევი არაა ბიძინა ივანიშვილისა და გიორგი მარგველაშვილის ურთიერთობა. ეს გავაპროტესტეთ და დავტოვეთ სხდომა“, - განაცხადა გიგა ბოკერიამ.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 20.08.2019
გავლენის ოპერაციები ანუ „მკვლელობათა ჯაჭვი“
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს