გორის საფეხბურთო სტადიონზე გულშემატკივრებს შორის დაპირისპირება მოხდა

გორის საფეხბურთო სტადიონზე გუშინ გორის „დილასა“ და თბილისის „დინამოს“ გულშემატკივრებს შორის დაპირისპირება მოხდა.

დამტვრეულია ინვენტარი, სტადიონზე ქვებს ისროდნენ. აღნიშნულ სტადიონზე ეროვნული პირველობის მატჩი ფრედ დასრულდა. მოგვიანებით კი, გუნდების ფანკლუბებს შორის დაპირისპირება დაიწყო.

როგორც „ინტერპრესნიუსს“ საფეხბურთო კლუბ „გორის“ დირექტორმა გია ისიანმა განუცხადა, რომლის დაქვემდებარებაშიც აღნიშნული სტადიონია, ინციდენტის შედეგად არავინ დაშავებულა.

„თბილისის დინამოს გულშემატკივარი სტადიონის ტერიტორიიდან პოლიციამ გააცილა. დაშავებული არავინ არის, დამტვრეულია ინვენტარი, სკამები“, - განაცხადა ისიანმა.