წყლის დაბინძურების გამო, მე-15 საბავშვო ბაღში სააღმზრდელო პროცესი ორი დღით შეწყდა

დიდუბის რაიონში მდებარე მე-15 საბავშვო ბაღი აღსაზრდელებს ორი დღის განმავლობაში ვერ მიიღებს. როგორც „ინტერპრესნიუსს“ ბაღების სააგენტოში განუცხადეს, გუშინ წყლის მილებიდან მღვრიე წყალი წამოვიდა, რის გამოც ბავშვები ბაღში 3 და 4 მაისს ვერ ივლიან. სააგენტოს ინფორმაციით, დაბინძურებული წყალი ბაღში არავის დაულევია და არც საკვები მომზადებულა. მათივე ინფორმაციით, ამ დროისთვის წყალი გაწმენდილია, თუმცა წყალს ბაქტერიული შემოწმება უტარდება და ვიდრე პასუხს არ მიიღებენ, მანამდე ბაღში სწავლა არ განახლდება.

„გუშინ, დღის მეორე ნახევარიდან ბაღში მღვრიე წყალი წამოვიდა, თუმცა ასეთი წყალი მხოლოდ საბავშვო ბაღში არ ყოფილა, არამედ კიდევ ერთ საცხოვრებელ კორპუსში მოდიოდა. არ ვიცი რით არის გამოწვეული ეს პრობლემა. ბაღმა გამოიძახა კომპანია GWP-ი თავისი ლაბორატორიით და აიღეს წყლის სინჯი. როგორც დირექტორმა გვითხრა, ქიმიურ ელემენტებზე უკვე შემოწმდა წყალი და არ გამოვლინდა ქიმიური დაბინძურება, თუმცა რაც შეეხება, ბაქტერიულ დაბინძურებას, მის კვლევას დრო სჭირდება. დღეისთვის წყალი გაწმენდილია. მიუხედავად ამისა, ბაღების სააგენტომ გადაწყვიტა, რომ ბავშვების ჯანმრთელობით არ გარისკოს და 72 საათის გამავლობაში, ანუ დღეს და ხვალ ბაღში აღსაზრდელები არ ივლიან. ვიდრე ანალიზის პასუხი არ მოვა, ვერ გავრისკავთ ბავშვების ჯანმრთელობით. გუშინ დილით სუფთა წყალი მოდიოდა, მომზადდა საუზმე და სადილი, სამხარის მომზადებისას ამღვრეული წყალი წამოვიდა. სამხარი არ ჩაგვივარდა, ვინაიდან წყალი ვიყიდეთ. “, - განაცხადეს ბაღების სააგენტოში.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს