თბილისის მერიასთან სამშენებლო კომპანია "სვეტის" მიერ დაზარალებული მენაშენეები აქციას მართავენ

თბილისის მერიასთან სამშენებლო კომპანია "სვეტის" მიერ დაზარალებული მენაშენეები აქციას მართავენ. ისინი დედაქალაქის მერთან კახა კალაძესთან შეხვედრას ითხოვენ.

როგორც "ინტერპრესნიუსს"ერთ-ერთმა დაზარალებულმა თამარ მეხუზლამ განუცხადა, მათ ბინები სამშენებლო კომპანიისგან უკვე ჩაბარებული უნდა ჰქონოდათ, თუმცა კომპანიამ მშენებლობის პროცესი შეწყვიტა და მიზეზად დაასახელა, რომ მშენებლობის ნებართვას თბილისის მერია არ აძლევს. როგორც თამარ მეხუზლამ განაცხადა, "სვეტის" ამ პასუხის მათ არ სჯერათ.

"ჩვენ გვინდა ბატონ კახა კალაძესთან შეხვედრა, ვინაიდან კომპანია "სვეტის ჯგუფის" წარმომადგენლებისგან ისმის მხოლოდ სიტყვიერი მიზეზები მშენებლობის შეჩერებასთან დაკავშირებით. მშენებლობა უკვე ორი წელია შეჩერებულია ყველგან - ჭყონდიდელის, მირცხულავასა და ნუცუბიძის ქუჩებზე, ასევე ბათუმშიც. ამჯერად აბრალებენ იმას, რომ მშენებლობასთან დაკავშირებით მერიის ნებართვები არ გააჩნიათ, ჩვენ ამის არ გვჯერა, რადგან 2017 წლის 21 ნოემბერს ჯერ კიდევ დამატებითი კაპიტალის ძიებაში იყვნენ. შესაბამისად, არ გვაქვს რაიმე ოფიციალური ინფორმაცია. გვინდა, რომ შეგვხვდნენ მერიის წარმომადგენლები დამფუძნლებლებთან ერთად, რომ მშენებლობასთან დაკავშირებით სწორი ინფორმაცია გახდეს ცნობილი“, - განაცხადა თამარ მეხუზლამ.

ამასთან, კიდევ ერთი დაზარალებული მენაშენის განცხადებით, ყურადღებას საპატრიარქოსგანაც ითხოვენ, რის გამოც ხელმოწერებსაც აგროვებენ.

"საპატრიარქოს სახელზე ვაგროვებთ ხელმოწერებს იმიტომ, რომ მოგვაქციონ ყურადღება.როდესაც ეს პროექტი იწყებოდა პატრიარქის ლოცვა-კურთხევა იყო ბინების შესყიდვასთან დაკავშირებით და ამ ნდობით ბევრმა ემიგრანტმა შეიძინა "სვეტისგან" ბინები. ახლა ვითხოვთ საპატრიარქოც გაეცნოს ჩვენს პრობლემას და მოგვაქციონ ყურადღება", - განაცხადა ბაია მაზანაშვილმა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს