მეორე სართულიდან გადმოვარდნილი გოგონას ჯანმრთელობის მდგომარეობა სტაბილურია

ახალციხეში მეორე სართულიდან გადმოვარდნილი გოგონას ჯანმრთელობის მდგომარეობა სტაბილურია, - ამის შესახე „ინტერპრესნიუსს“ „ინგოროყვას კლინიკაში“ განუცხადეს.

მათივე ინფორმაციით, პაციენტს ოპერაცია ჩაუტარდა. შემთხვევა გუშინ, ახალციხეში მოხდა. როგორც შინაგან საქმეთა სამინისტროში აცხადებენ, მომხდართან დაკავშირებით გამოძიება სსკ-ის 120-ე მუხლით დაიწყო, რაც ჯანმრთელობის განზრახ მსუბუქ დაზიანებას გულისხმობს.