საქართველოს საგარეო უწყებაში ოკუპირებული აფხაზეთისა და “სამხრეთ ოსეთის“ სირიის მიერ „დამოუკიდებლობის აღიარებასთან“ დაკავშირებით ბრიფინგი გაიმართება
საქართველოს საგარეო საქმეთა სამინისტროში ოკუპირებული აფხაზეთისა და “სამხრეთ ოსეთის“ სირიის მიერ „დამოუკიდებლობის აღიარებასთან“ დაკავშირებით ბრიფინგი გაიმართება. როგორც „ინტერპრესნიუსს“ უწყებიდან აცნობეს, ბრიფინგი 15:00 საათზეა დანიშნული.
შეგახსენებთ, დღეს გავრცელდა ინფორმაცია, რომ სირიამ ოკუპირებული „სამხრეთ ოსეთის“ და აფხაზეთის „დამოუკიდებლობა აღიარა“.
სირიის საგარეო საქმეთა სამინისტრომ ამასთან დაკავშირებით განცხადება გააავრცელა.
„სირიის წინააღმდეგ ტერორისტული აგრესიის დროს გამოჩენილი მხარდაჭერისთვის მადლიერების ნიშნად, სირიის არაბულმა რესპუბლიკამ აფხაზეთისა და სამხრეთ ოსეთის რესპუბლიკებთან დიპლომატიური ურთიერთობების დამყარება გადაწყვიტა. დიპლომატიური ურთიერთობები საელჩოების გახსნის დონეზე დამყარდება“, - ნათქვამია სირიის საგარეო უწყების განცხადებაში.
