საგანგებო სიტუაციების მართვის სამსახური და გარემოს დაცვისა და სოფლის მეურნეობის სამინისტრო ტყის ხანძრების პრევენციისა და ეფექტური რეაგირების უზრუნველსაყოფად მუდმივმოქმედ, ორმხრივ სამუშაო ჯგუფს შექმნიან. ამის შესახებ შეთანხმება საგანგებო სიტუაციების მართვის სამსახურის უფროსის მოადგილეს, შალვა ხუციშვილსა და გარემოს დაცვისა და სოფლის მეურნეობის მინისტრის მოადგილეს სოლომონ პავლიაშვილს შორის შედგა.
მუდმივმოქმედი ორმხრივი სამუშაო ჯგუფის მთავარი მიზანი, ტყის ხანძრების პრევენცია, ეფექტური რეაგირება და გარემოს დაცვის უზრუნველყოფა იქნება.
ინფორმაციას საგანგებო სიტუაციების მართვის სამსახური ავრცელებს.