ხორავას ქუჩაზე მოზარდების მკვლელობის საქმის პროკურორი - სასამართლომ რატომ გამოიტანა აღნიშნული გადაწყვეტილება, გაურკვეველი და ბუნდოვანია

სასამართლომ რატომ გამოიტანა აღნიშნული გადაწყვეტილება, ჩვენთვის ეს გაურკვეველი და ბუნდოვანია, - ამის შესახებ ხორავას ქუჩაზე მოზარდების მკვლელობის საქმის პროკურორმა მარიკა გოგოხიამ ჟურნალისტებს განუცხადა. მისი თქმით, აღნიშნული გადაწყვეტილება სააპელაციო სასამართლოში გასაჩივრდება.

„ჩვენ ამ გადაწყვეტილებას არ ვეთანხმებით. სასამართლომ რომელი მტკიცებულება გაიზიარა და რომელი არა, გაურკვეველია. ეს გადაწყვეტილება გასაჩივრდება და როდესაც სააპელაციო სასამართლოში გაგრძელდება, საქმის განხილვა, ჩვენი მოთხოვნა იქნება იგივე. გვექნება მოლოდინი, რომ იმ ბრალდებით გამტყუნდებიან ბრალდებულები, რაც ჩვენ გვქონდა წარდგენილი“, – განაცხადა მარიკა გოგოხიამ.

თბილისის საქალაქო სასამართლოსთან ხმაური და დაპირისპირება ხორავას ქუჩაზე მოზარდების მკვლელობის საქმეზე განაჩენის გამოცხადებას მოჰყვა. სასამართლომ ერთ-ერთი ბრალდებული დავით სარალიძის მკვლელობის ნაწილში გაამართლა, ხოლო მეორე ბრალდებულს ბრალი გადაუკვალიფიცირა და მკვლელობის მცდელობაში ცნო დამნაშავედ.

ხორავას ქუჩაზე მოზარდების მკვლელობის საქმის 4-თვიანი სასამართლო განხილვა 30 მაისს დასრულდა. ვინაიდან საქმეში არასრულწლოვნები ფიგურირებენ, არასრულწლოვანთა მართლმსაჯულების კოდექსიდან გამომდინარე, სასამართლო სხდომები დახურული იყო.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 11.12.2019
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში