ჯუზეპე კონტე დათანხმდა იტალიის მთავრობას გაუძღვეს, - ამის შესახებ იტალიის პრეზიდენტის ადმინისტრაციის გენერალურმა მდივანმა უგო ძამპეტიმ განაცხადა.
„პრეზიდენტმა სერჟიო მატარელამ ჯუზეპე კონტის შესთავაზა მთავრობას გაუძღვეს, რაზეც დადებითი პასუხი მიიღო. ჯუზეპე კონტემ პრეზიდენტს მინისტრთა კაბინეტის შემადგენლობა წარუდგინა. ფიცის დადების ცერემონია დღეს ადგილობრივი დროით 16:00 საათზე შედგება“, - განაცხადა უგო ძამპეტიმ.
აღსანიშნავია, რომ აქამდე ჯუზეპე კონტემ უკვე მიიღო პრემიერის მანდატი, თუმცა 27 მაისს უარი განაცხადა თანამდებობაზე, ვინაიდან იტალიის პრეზიდენტმა არ დაამტკიცა მინისტრთა კაბინეტის შემადგენლობა.