ნინო ლომჯარია - მთავარი პროკურორის შერჩევის პროცესში არ უნდა დარჩეს იმის შეგრძნება, რომ ხელისუფლება მისთვის სასურველი კანდიდატის დასახელებას ცდილობს

საქართველოს მომავალი მთავარი პროკურორის არჩევა უნდა იყოს სახელმწიფოს ერთ-ერთი პასუხი განვითარებულ მოვლენებზე, - ამის შესახებ საქართველოს სახალხო დამცველმა ნინო ლომჯარიამ ჟურნალისტებს, მთავარი პროკურორის არჩევის საკითხზე დასმული კითხვის საპასუხოდ განუცხადა.

როგორც ლომჯარია აცხადებს, მომავალი მთავარი პროკურორის კანდიდატურა სამოქალაქო საზოგადოების და სხვა წრეებთან შეთანხმებით უნდა დასახელდეს და ის ფართო საზოგადოებისთვის მისაღები უნდა იყოს, ასევე ჰქონდეს მიუკერძოებლის, აპოლიტიკურის და პროფესიონალი ადამიანის რეპუტაცია.

„ვფიქრობ, საქართველოს მომავალი მთავარი პროკურორის არჩევა უნდა იყოს ერთ-ერთი პასუხი სახელმწიფოში განვითარებულ მოვლენებზე. როგორ განვითარდება მოვლენები, ეს დაგვანახებს როგორი პასუხი ექნება ხელისუფლებას დამოუკიდებელი საგამოძიებო უწყებების მიმართ. ძალიან მნიშვნელოვანია, რომ ამ პროცესში არ დარჩეს შეგრძნება იმისა, რომ პოლიტიკური ხელისუფლება ცდილობს მისთვის სასურველი კანდიდატის დასახელებას. აუცილებელია პროცესი იყოს მაქსიმალურად ინკლუზიური. სამოქალაქო საზოგადოების და სხვა წრეებთან შეთანხმებით უნდა მოხდეს ისეთი კანდიდატურს დასახელება, რაც მისაღებია ფართო საზოგადოებისთვის და აქვს მიუკერძოებლის, აპოლიტიკურის და პროფესიონალი ადამიანის რეპუტაცია. ეს იქნება ძალიან მნიშვნელოვანი მესიჯი საზოგადოებისთვის“, - განაცხადა ლომჯარიამ.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 13.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა
„სამ რაან სპა-ცენტრი“ ევროპის საუკეთესო სპად დასახელდა