გიგი წერეთელი - საქმის შსს-ში გადატანა და მთავარი პროკურორის გადადგომა ადასტურებს, რომ გამოძიება დიდი დარღვევებით მიდიოდა

საქმის გადატანა შსს-ში და მთავარი პროკურორის გადადგომა, რა თქმა უნდა, იმის აღიარებაა, რომ ძალიან დიდი დარღვევებით მიდიოდა ეს საქმე, - ამის შესახებ "ევროპული საქართველოს" ერთ-ერთმა ლიდერმა გიგი წერეთელმა განაცხადა, რომელიც რუსთაველის გამზირზე ხორავას ქუჩაზე მოკლული მოზარდის მამის, ზაზა სარალიძის მხარდასაჭერად და მასთან შესახვედრად მივიდა.

"მე ვფიქრობ, გულგრილი ვერავინ დარჩება იმ მოვლენების მიმართ, რაც განვითარდა. მთავარი საკითხი დღეს, რა თქმა უნდა ისაა, რომ სამართლიანი გადაწყვეტილებები იყოს და მამა, რომელიც ასეთ მძიმე დღეშია და ახალგაზრდები, რომლებიც მას თანაუგრძნობენ, დარწმუნდნენ, რომ ამ ქვეყანაში შესაძლებელია იყოს სწორი და სამართლიანი გადაწყვეტილება მიღებული. რაც შეეხება სხვა საკითხებს, კრიზისულ ვითარებას და სხვა, ამას ალბათ სხვა ტიპის ცვლილებები სჭირდება", - განაცხადა გიგი წერეთელმა.

გიგი წერეთლის განცხადებით, ტყუილად ახალგაზრდების პროტესტი არ ხდება.

"რაც გუშინ გაცხადდა - საქმის გადატანა შსს-ში და მთავარი პროკურორის გადადგომა, რა თქმა უნდა, იმისს აღიარებაა, რომ ძალიან დიდი დარღვევებით მიდიოდა ეს საქმე და ტყუილად ასეთი პროტესტი არ ხდება საზოგადოებაში, მითუმეტეს ახალგაზრდებში, რომლებიც ძალიან გულწრფელად არიან მოსული ყოველგვარი პოლიტიკური სარჩულისა და ნაწილის გარეშე", - განაცხადა გიგი წერეთელმა.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა