ხორავას ქუჩაზე მოკლული დავით სარალიძის მამას, ზაზა სარალიძესა და სასულიერო პირებს შორის შეხვედრა დასრულდა. შეხვედრის დასრულების შემდეგ სასულიერო პირებმა მედიისთვის კომენტარის გაკეთება არ ისურვეს. შესაბამისად, უცნობია ის დეტალები, რაზეც შეხვედრაზე სამღვდელოებამ ყურადღება გაამახვილა.
შეხვედრა პარლამენტთან გაშლილ ერთ-ერთ კარავში მიმდინარეობდა, რომელსაც მოკლული დათო სარალიძის მამასთან ერთად, აქციის ორგანიზატორთა ნაწილიც ესწრებოდა.
შეხვედრა 20 წუთის განმავლობაში მიმდინარეობდა და ის მედიისთვის დახურული იყო.
რუსთაველის გამზირზე ზაზა სარალიძის მხარდასაჭერად ამ დროისთვის იკრიბებიან რიგითი მოქალაქეები და პოლიტიკური პარტიების წარმომადგენლები, რის შემდეგაც საპროტესტო აქციები განახლდება.