ნუ დავიშლებით, ბოლომდე მივიყვანოთ ჩვენი საქმე, - ამის შესახებ პანკისის ხეობაში ჩატარებული სპეცოპერაციისას მოკლული თემირლან მაჩალიკაშვილის მამამ მალხაზ მაჩალიკაშვილმა პარლამენტთან მიმდინარე აქციაზე განაცხადა.

"ნუ დავიშლებით! დავსაჯოთ ეს დამნაშავეები, ყველა დამნაშავე უნდა დაისაჯოს!", - მიამრთა მალხაზ მაჩალიკაშვილმა აქციის მონაწილეებს. მისივე თქმით, განსვენებულმა თემირლან მაჩალიკაშვილმა და დათო სარალიძემ მთელი ქვეყანა გააერთიანეს.

"თხოვნა იქნება, ნუ დავიშლებით, ბოლომდე მივიყვანოთ ჩვენი საქმე. აქ უნდა დადგეს ჩვენი სიმართლე. ზაზა სარალიძის განსვენებულმა ბიჭმა დათომ და განსვენებულმა თემირლანმა შეძლო მთელი საქართველოს გაერთიანება", - განაცხადა მალხაზ მაჩალიკაშვილმა.