პანკისის ხეობაში სპეცოპერაციის დროს მოკლული თემირლან მაჩალიკაშვილის მამის მალხაზ მაჩალიკაშვილის განცხადებით, ამ ხელისუფლებაში სიმართლის დადგენა შეუძლებელია. აღნიშნული განცხადება მალხაზ მაჩალიკაშვილმა პარლამენტთან გამართულ აქციაზე გააკეთა.

გუშინ ოპოზიციური პარტიების ლიდერებმა ზაზა სარალიძესთან, ზვიად კუპრავასთან და მალხაზ მაჩალიკაშვილთან ერთად პარლამენტის წინ განთავსებულ კარავში შეხვედრა გამართეს.

„ყველანი ერთად ვართ და ვიბრძოლებთ – პოლიტიკური პარტიები, ხალხი, სტუდენტები, მოსწავლეები, გლეხი, ბერი, ყველა ერთად ვიქნებით და ყველა ერთად დავამთავრებთ ამ ხელისუფლებას“, - განაცხადა მალხაზ მაჩალიკაშვილმა.