ისრაელი უფლებას იტოვებს, პასუხი გასცეს ირანის მცდელობებს, რათა მან სამხედრო კუთხით თავი არ დაიმკვიდროს სირიის ნებისმიერ ნაწილში, - ამის შესახებ ისრაელის პრემიერ-მინისტრმა ბენიამინ ნეთანიაჰუმ განაცხადა.
ბენიამინ ნეთანიაჰუმ ასევე აღნიშნა, რომ „ეს საკითხი რუსეთის პრეზიდენტთან ვლადიმერ პუტინთან და აშშ-ს სახელმწიფო მდივანთან მაიკ პომპეოსთან განიხილა“.
„ეს მოლაპარაკებები ძალიან მნიშვნელოვანია ისრაელის სახელმწიფოს უსაფრთხოებისთვის“, - ხაზგასმით აღნიშნა ისრაელის პრემიერ-მინისტრმა.
ბენიამინ ნეთანიაჰუმ კიდევ ერთხელ დაადასტურა, რომ ისრაელი წინააღმდეგობას გაუწევს ახლო აღმოსავლეთში და განსაკუთრებით სირიაში ირანის ექსპანსიის აგრესიულ გეგმებს. „რა თქმა უნდა, არ შემიძლია არ გავიმეორო: ისრაელი არ დაუშვებს იმას, რომ ირანმა ბირთვული იარაღი მოიპოვოს“, - დასძინა მან.