გერმანელი პროფესორები სამედიცინო უნივერსიტეტში დღეს ლექციას გამართავენ

გერმანიის ქალაქ დუისბურგის ყბა-სახის პლასტიკური ქირურგიისა და იმპლანტოლოგიური კლინიკის პროფესორები თბილისის სახელმწიფო სამედიცინო უნივერსიტეტში სტომატოლოგიის ფაკულტეტის სტუდენტებისთვის დღეს ლექციას გამართავენ.

როგორც „ინტერპრესნიუსს“ თბილისის სახელმწიფო სამედიცინო უნივერსიტეტიდან აცნობეს, ლექციებს ჩაატარებენ თსსუ-ის საპატიო დოქტორი, მოწვეული პროფესორი ჰელმუტ ზიბერი, თსსუ-ის საპატიო დოქტორი, მოწვეული პროფესორი ანდრეას ჰამმახერი და თსსუ-ის საპატიო დოქტორი, მოწვეული პროფესორი ვიქტორ ვაილერტი.

ლექციის თემაა: „ყბა-სახის მიდამოს ტრავმატოლოგია - კლინიკა, დიაგნოსტიკა, მკურნალობა“ (პროფესორი ჰ.ზიბერი); „ზედა და ქვედა ყბის ძვლოვანი რეკონსტრუქციის შესაძლებლობანი“ (პროფესორი ა. ჰამმახერი); „სიბრძნის კბილები - კლინიკური გამოვლინებების თავისებურებები, ექსტრაქციის ტექნიკა“ (პროფესორი ვ. ვაილერტი).

როგორც სამედიცინო უნივერსიტეტის რექტორმა ზურაბ ვადაჭკორიამ აღნიშნა მათი გერმანელი საპატიო დოქტორები და პროფესორები სამედიცინო უნივერსიტეტში პერიოდულად ჩამოდიან და ლექციებს მართავენ. დღეს ისინი სამ ლექციას წაიკითხავენ.

„გუშინ გერმანელმა პროფესორებმა თსსუ-ის გივი ჟვანიას სახელობის პედიატრიის აკადემიურ კლინიკაში 30–მდე პაციენი მიიღეს და მათ უფასო კონსულტაციები გაუწიეს. 5 და 6 ივნისს კი ოპერაციებს ჩაატარებენ“, – განაცხადა რექტორმა

პროფესორ ჰაამახერის თქმით, დღევანდელ ლექციებზე ისინი ისაუბრებენ სხვადასხვა მოტეხილობებზე, ამ მოტეხილებების მენეჯმენტზე და ასევე, პირად ჰიგიენაზე პროფესიული კუთხით.

„ჩვენ ექვსი წელია ვთანამშრომლობთ სამედიცინო უნივერსიტეტთან, ვატარებთ ლექციებს და ასევე, ოპერაციებს მცირეწლოვან პაციენტებთან“, – განაცხადა ჰაამახერმა.

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 18.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო