„ვიონი საქართველო“ ინტერნეტ მმართველობის საკითხებზე ევროპულ დიალოგში EuroDIG 2018 მონაწილეობს

5-6 ივნისს, მობილური ოპერატორი „ვიონი საქართველო“ (ბრენდი „ბილაინი“), თბილისში ინტერნეტ მმართველობის საკითხებზე ევროპულ დიალოგში, EuroDIG 2018 მონაწილეობს. როგორც „ინტერპრესნიუსს“ კომპანია „ბილაინიდან“ აცნობეს, „ვიონი საქართველოს“ მფლობელი „ვიონი“ ჯგუფი, ღონისძიების სპონსორიცაა.

„EuroDIG შეიქმნა 2008 წელს ევროპაში, რამდენიმე ორგანიზაციის, სამთავრობო წარმომადგენლებისა და ექსპერტების მიერ და წარმოადგენს ღია პლატფორმას ინტერნეტისა და მისი მართვის საკითხების შესახებ საუბრისთვის. EuroDIG-ის მთავარი ღონისძიება ყოველწილური ფორუმია, რომელიც ევროპის სხვადასხვა ქვეყანაში იმართება,“ - ნათქვამია ინფორმაციაში.

მათივე ცნობით, თბილისში დაგეგმილი ღონისძიების ფარგლებში განიხილება ისეთი საკითხები, როგორებიცაა: ადამიანის უფლებების დაცვა ინტერნეტში, გამოხატვის თავისუფლება, საავტორო უფლებების დაცვა, მონაცემთა დაცვის შესახებ რეგულაციები, კიბერუსაფრთხოება, ინტერნეტთან წვდომა, სატელეკომუნიკაციო ინფრასტრუქტურის განვითარება, სათემო ინტერნეტიზაცია, დომენები, სიძულვილის ენა ინტერნეტში, ციფრული ეკონომიკა, ელექტრონული კომერცია, ბლოკჩეინი, ციფრული წიგნიერება, ხელოვნურ ინტელექტთან დაკავშირებული გამოწვევები, სადეზინმფორმაციო კამპანიები, ინოვაციები და ინტერნეტთან დაკავშირებული სხვა საკითხები.

„ვიონის“ მხრიდან ფორუმში მონაწილეობენ: ჟან გონიე, „ვიონის“ ციფრული პოლიტიკის გლობალური დირექტორი, მელლე ტიელ გრონესტეგე, „ვიონის“ ციფრული პოლიტიკის მრჩეველი და ლევან კობახიძე, ბილაინი საქართველოს დირექტორის მოადგილე, რომლებიც ისაუბრებენ: ურბანულ და რურალურ დასახლებებს შორის ციფრული განვითარების სხვაობაზე, პირადი ინფორმაციის დაცვაზე, ციფრული ეკონომიკის მომავალსა და კონკურენციაზე მონაცემებით დომინირებულ სამყაროში.

EuroDIG 2018-ის მასპინძელია საქართველოს ეკონომიკისა და მდგრადი განვითარების სამინისტრო. ღონისძიებას მხარს უჭერენ: ევროპის საბჭო, ევროკომისია, ევროპის მაუწყებლობის კავშირი და ბევრი სხვა.

როგორც კომპანიის მიერ გავრცელებულ ინფორმაციაშია აღნიშნული, ეს პირველი შემთხვევაა, როდესაც ფორუმი აღმოსავლეთ პარტნიორობის ქვეყანაში ტარდება. ღონისძიებაში მონაწილეობს 500-ზე მეტი სტუმარი ევროსტრუქტურებიდან, საერთაშორისო ორგანიზაციებიდან, სამთავრობო სტრუქტურებისა და ბიზნესის წარმომადგენლები, მეცნიერები და ინეტრნეტ საზოგადოება.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა