ქუთაისში სოციალური საცხოვრისის ბინადართა ნაწილი მერიასთან აქციას მართავს

ქუთაისში სოციალური საცხოვრისის ბინადართა ნაწილი მერიასთან აქციას მართავს. აქციის მონაწილეებს სოლიდარობას "ნაციონალური მოძრაობის" წევრი გიგა შუშანია უცხადებს.

აქციის მონაწილეების განცხადებით, ლევან სამხარაულის ბიუროს მიერ დადებული დასკვნა არის გაყალბებული და რეალობას არ ასახავს. მათი თქმით, ტყუილია ინფორმაცია, თითქოს საცხოვრისი მათ დააზიანეს.

"მოვითხოვთ, რეალურ დასკვნას, რადგან რეალობა უფრო რთულია, ვიდრე დასკვნაში წერია. ამბობენ, რომ ჩვენ დავაზიანეთ ნაწილი", - აცხადებენ აქციის მონაწილეები.

აქციის მონაწილეები ალტერნატიულ ფართში გაყვანას მოითხოვენ, წინააღმდეგ შემთხვევაში პერმანენტული აქციებით იმუქრებიან.

აღსანიშნავია, რომ საცხოვრისში არსებულ მდგომარეობას ბინადართა ნაწილი არ აპროტესტებს.

აქციის მონაწილეები მერიაში შევიდნენ ვიცე მერთან შესახვედრად.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს