ფილიპინების პოლიციამ ონლაინ თაღლითობის საქმეზე, 474 ადამიანი დააკავა, მათ შორის ისრაელის რვა მოქალაქეა. ამის შესახებ გამოცემა Philippine Daily Inquirer იუწყება.

პოლიციის ხელმძღვანელის გენერალ ოსკარ ალბაიალდას განცხადებით, კიბერდანაშაულებთან ბრძოლის ჯგუფმა კომპანია International Branding Development Marketing-ის ოფისში ჩხრეკა ჩაატარა. რეიდის ფარგლებში კომპანიის 474 თანამშრომელი დააკავეს, რომლებიც ონლაინ ტრანზაქციებს ახორციელებდნენ კლიენტებთან ევროპიდან, ახალი ზელანდიიდან, ავსტრალიიდან, სამხრეთ აფრიკიდან და რუსეთიდან.

პოლიციაში დააზუსტეს, რომ დაკავება მას შემდეგ განხორციელდა, რაც საჩივარი მიიღეს ავსტრალიიდან და სამხრეთ ამერიკიდან კომპანიის კლიენტებისგან.

სამართალდამცველების ინფორმაციით, კომპანია ორი წლის განმავლობაში კლიენტებს არწმუნებდა ინვესტიციები ჩაედოთ ჯერ კრიპტოვალუტაში, ხოლო შემდეგ კი კომპანიის აქციებში.