უზენაეს სასამართლოს სლოვაკეთის რესპუბლიკის უზენაესი სასამართლოს დელეგაცია ესტუმრა

საქართველოს უზენაეს სასამართლოს სლოვაკეთის რესპუბლიკის უზენაესი სასამართლოს მუდმივი წევრი და სენატის თავმჯდომარე მოსამართლე ვილიამ პოჰანჩენიკი და დელეგაციის წევრები სტუმრობდნენ.

როგორც „ინტერპრესნიუსს“ უზენაესი სასამართლოდან აცნობეს, შეხვედრა საქართველოს უზენაესი სასამართლოს სამოქალაქო და ადმინისტრაციული პალატების თავმჯდომარეებთან და სისხლის, სამოქალაქო და ადმინისტრაციულ საქმეთა პალატების მოსამართლეებთან გაიმართა. შეხვედრას უძღვებოდა უზენაესი სასამართლოს თავმჯდომარის მოადგილე, ადმინისტრაციულ საქმეთა პალატის თავმჯოდმარე ვასილ როინიშვილი, რომელმაც სტუმრებს უზენაესი სასამართლოს სტრუქტურის, ფუნქციონირების, მოსამართლეთა დანიშვნის წესის, აგრეთვე იუსტიციის უმაღლესი საბჭოსა და ქართულ მართლმსაჯულებაში მიმდინარე რეფორმის პროცესის შესახებ ინფორმაცია მიაწოდა. თავის მხრივ, სტუმრებმა საქართველოს უზენაესი სასამართლოს მოსამართლებს გაუზიარეს ინფორმაცია სლოვაკეთის სასამართლო სისტემისა და კორუფციასთან ბრძოლის პრევენციული ღონისძიებების შესახებ. როგორც შეხვედრაზე აღინიშნა, მსგავსი შეხვედრები უზენაეს სასამართლოებს შორის თანამშრომლობის ფარგლებში, მეტად ნაყოფიერ და მნიშვნელოვან კვალს ტოვებს ორმხრივ ურთიერთობებში და მოსამართლეებს გამოცდილების გაზიარებასა და პროფესიულ სრულყოფაში ეხმარება.

სლოვაკეთის დელეგაციის წევრებმა ,,მართლმსაჯულების მუზეუმი“ მოინახულეს და უზენაესი სასამართლოს შენობის, როგორც კულტურული მემკვიდრეობის ძეგლის ისტორიას გაეცნენ.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია