ხორავას ქუჩაზე ორი მოზარდის მკვლელობის ფაქტის შემსწავლელი დროებითი საგამოძიებო კომისიის თავმჯდომარის მოადგილედ ანრი ოხანაშვილი აირჩიეს.

ანრი ოხანაშვილის კანდიდატურა კომისიას ფრაქცია „ქართული ოცნების“ თავმჯდომარემ მამუკა მდინარაძემ შესთავაზა. ანრი ოხანაშვილი სხდომაზე ხმათა უმრავლესობით აირჩიეს. როგორც კომისიის თავმჯდომარემ სერგი კაპანაძემ სხდომაზე განაცხადა, რადგან კომისიაში უმცირესობა უმრავლესობით არის წარმოდგენილი, მნიშვნელოვანია რომ მოადგილე საპარლამენტო უმრავლესობიდან იქნას შერჩეული.

ამასთან, დროებითი საგამოძიებო კომისიამ აირჩია კომისიის მდივანიც. კომისიის მდივნის თანამდებობაზე „ევროპული საქართველოს“ წევრი ოთარ კახიძე შეირჩა.

დროებით საგამოძიებო კომისიას „ევროპული საქართველოს“ წევრი სერგი კაპანაძე ხელმძღვანელობს.