პარლამენტის შენობის წინ დაანონსებულ აქციას „ბავშვთა სამყაროს“ ტერიტორიაზე გაჩენილი ხანძრის შედეგად დაზარალებულ მოვაჭრეთა ნაწილი შეუერთდა.
დაზარალებულთა განცხადებით, ისინი უკვე წელიწადზე მეტია ითხოვენ სამართლიანობას, თუმცა სახელმწიფო მათ ყურადღებას არ აქცევს, რასაც სისტემურ პრობლემად მიიჩნევენ. აღნიშნულიდან გამომდინარე დაზარალებულთა ნაწილი იზიარებს მოთხოვნას პრემიერ–მინისტრის გადადგომის შესახებ, ასევე, თბილისის მერის პასუხისმგებლობას აყენებენ. ისინი მიიჩნევენ, რომ პოლიტიკური პასუხისმგებლობა ხელისუფლების მხრიდან უყურადღებობაზე ბიძინა ივანიშვილმაც უნდა აიღოს.
აქცია პარლამენტის შენობის წინ რამდენიმე წუთში დაიწყება. ადგილზე იმყოფება თემირლან მაჩალიკაშვილის მამა მალხაზ მაჩალიკაშვილი. აქციის ორგანიზატორთა ინფორმაციით, აქციას რამდენიმე წუთში შეუერთდება დავით სარალიძის მამა ზაზა სარალიძე.