სამეგრელო-ზემო სვანეთის დევნილთა სამმართველოს შენობასთან ის დევნილები არიან შეკრებილი, რომლებმაც ახალაშენებულ კორპუსებში ბინა ვერ მიიღეს

სამეგრელო-ზემო სვანეთის დევნილთა სამმართველოს შენობასთან ის დევნილები არიან შეკრებილი, რომლებმაც ახალაშენებულ კორპუსებში ბინა ვერ მიიღეს. ისინი სამმართველოს უფროსთან, მანუჩარ ჩილაჩავასთან შეხვედრას ითხოვენ.

"აქედან არსად არ წავალ, აქ დავწვები. ამათ ჩემი ჯანმრთელობა შეიწირეს. რამდენი წელია ვითხოვ ბინას. მპირდებიან და მერე არაფერი. ნაქირავებში ვცხოვრობ, მარტოხელა დედა ვარ, ავადმყოფი. მეც თუ მომკლავენ, ვინ გაზრდის ჩემს შვილს", - განაცხადა ციალა ბებურიამ.

დევნილები აცხადებენ, რომ ვიდრე მათ შეკითხვებზე კონკრეტულ პასუხებს არ მიიღებენ, არ დაიშლებიან.

იძულებით გადაადგილებულ პირთა საკითხების შემსწავლელმა კომისიამ დაასრულა ბინის განაწილების პროცესი, რის შედეგადაც 240 დევნილი ოჯახი ზუგდიდში საცხოვრებელ ფართს მიიღებს. საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ვებ-გვერდზე იმ ოჯახების სია გამოქვეყნდა, რომლებსაც გრძელვადიანი განსახლების კრიტერიუმების შესაბამისად, ახალაშენებულ კორპუსებში ბინები გადაეცემათ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს